Л

+ А Б В Г Д Е Ё Ж З И Й К Л М Н О
П Р С Т У Ф Х Ц Ч Ш Щ Ъ Ы Ь Э Ю Я

*****

лабиринт, -а (запутанная сеть ходов, помещений) и Лабиринт, -а (мифол.) — 1. къадим замандин Грецияда ва Египетда са гзаф кIвалер ва санай саниз фидай къекъвей акахьай рекьер авай чIехи дарамат. 2. пер. таниш тушир касдин кьил акъат тийир чка; гьахьтии акахьай, кьил акъат тийир кар. 3. анат. япун къен пад

лаборант, -а — лабораторияда кIвалахзавай работник; лабораториядин кIвалахра профессордин, специалистдин куьмекчи.

лава, -ы — 1. лава (вулкандин сивяй гадар хьайи цIрай цIай хьтин кудай жими масса-палчух).  2. пер. гужлу сел хьтинди; несутся лавой гужлу сел хьиз физва.

лаванда, -ы 

лаваш, -а и -а, тв. -ем и -ом — лаваш, дагъвийрин кьелечI фу

лавка, -и, р. мн. лавок —  1. гьяркьуь скамейка. 2. гъвечIи туьквен .

лавровый — 1. лавр ттарарин (там).  2. лаврдин, лавр ттаран (пеш)

лагерный — лагердин

лагерь    1. пуна, алачухар яна илифнавай чка     2. пионерар гатуз ял ягъиз кIватI хьанвай чка     3. (перенос) группа, десте, кIеретI)

лад, -а и -у, предл. в ладу, мн. -ы, -ов — 1. кьун, кьурвал; меслят; туькIуьн, туькIвейвал;           (в ладу) кьунва, туькIвенва; (дело идѐт на лад) кар туькIуьзва.
2. къайда, тегьер; на другой лад маса къайдада.
3. гьава, макьам.
4. перде (чуьнгуьрдин ва мсб).
5. мн. мез (чIагъандин).

ладить, лажу, ладит — 1. кьун, туькIуьн, рекье фин.  2. обл. къайдада ттун, туькIуьрун.  3. разг. тикрарун, эзберун; (ладить одно и то же)  гьа са гафар тикрарун.

ладнонареч., в знач. сказ., частица  1. хъсан я   2. гьакI хьуй -Вун къведан чи кIвализ? — ГьакI хьуй, къведа  (-Ты придёшь к нам домой?- Ладно, приду.)

ладонь, -и — капан юкь; (быть видным как на ладони) капан юкьвал алай хьиз акун. 2. кап; (бить хлопать, ударять в ладони) кап (капар) ягъун.

ладошка, -и, р. мн. -шек — гъвечIи кап

лазать, -аю, -ает — 1. акьахун.  2. гьахьун.  3. акахьун (мес. кумадик).  4. сухулмиш хьун, сухмиш хьун.  5. гъил ттун, гъил сухун (жибиндиз)

лазер, -а — экв ягъдай гъвечIи фонар

лазерный — лазердин

лазурныйкр. ф. -рен, -рна — экуь-вили, экуьвал алай вили, цавун ранг алай.

лазурь  1. экуь-вили ранг  2.  экуьвал алай вили ранг.

лай, лая —  амп, къурвах; элуькьунин ван.

лак, -а и -у — 1. спирт кваз смоладикай авур, чIулав цIарцIар гудай шир хьтинди.
2. (пер.) винел патан гуьрчег акунар, анжах винел патан. цIарцIар.

лакать, -аю, -ает —  хъун, лерпI -лерпI ийиз хъун (мес. кицIи).

лакец, лакца, тв. лакцем — лак, лакец; лакецдал

лакомиться, -млюсь, -мится — (верцIи затIар) тIуьн, тIуьна лезет къачун.

лакомка, -и, р. мн. -мок, м. и ж. — ширин (верцIи) затIарал рикI алайди.

лакомство, -а — верцIи, тIямлу затI.

лакомый — 1. верцIи, ширин; дадлу, лезетлу. 2. (пер). гзаф рикI алай; (лакомый до денег) пулунал гзаф рикI алайди.

лаконичныйкр. ф. -чен, -чна — лап куьрелди лагьанвай; куьрелди лугьунин къайдадин.

лакский — лакрин, лак халкьдин.

лама, -ы (животное) — 1. деведин жинсиникай, ппар чIугвадай са гьайван.

ламинат, -а- кьелечI кIарасдикай авунвай цIалцIам пол.

лампа, -ы — лампа (ударение на последний слог)

лампада, -ы — бицIи лампа (-яр), псис(-ар), перенос. чирагъ

ландыш, -а, тв. -ем — майдин вацра экъечIзавай лацу цуьк.

ланч, -а, тв. -ем и ленч, -а, тв. -ем — экуьнин ва нисинин арада незвай тIуьн

лань, -и- мирг (миргерин са жинс)

лапа, -ы- 1. пац (-ар), тапас(-ар).  2. лапа (тапасдиз ухшар аваз раснавай жуьреба-жуьре затIар, инструментар). 3. перенос. (попасть в лапы) пер. пацук акатун, къармахра гьатун

лапать, -аю, -ает —

лапка, -и, р. мн. лапок — гъвечIи пац, тапас

лапочка, -и, р. мн. -чек, м. и ж.

лапша, -и, тв. -ой — иришта, кинияр (тинидин чкалдикай шуькIуьз атIай яргъи кинияр). 2. кинийрин хапIа, кинийрин шурпа.

ларёк, ларька — тахтайрикай туькIуьрай кьезил туьквен)

ласка 1.  (нежность) 1. чан-рикI  2. кинар  3. хуш къведай гаф

ласка 2  (животное) 1. татар кьиф,  мн. ч. — ер  2. цимил кьиф  3. цIыцIыл,  мн. ч. — ар (р-н: Ахтынский)

ласкать, -аю, -ает — 1. чан-рикI авун, кинар авун.  2. (перенос.) хушвал авун, мегьрибанвал авун. 3. (перенос). лезет гун, хуш къведайвал авун; шад авун, рикI секинрун. (За чан-рикI авуна. Ада чан-рикI авуна.)

ласкаться, -аюсь, -ается — хушвал авун, хушвал ийиз алтад хьун. Адаз зун акурла, зи вилик хушвал ийиз алтад жезвай. ( когда он меня увидел, он передо мной ласкался.)

ласковый- хуш тебятдин; ччан-рикI ийидай, кинар ийидай; хушвал ийидай

ластик, -а- парча

ласточка, -и, р. мн. -чек — чубарук (-ар)

латать, -аю, -ает — разг. пине (пинеяр) ягъун, пине гьалчун, пине яна расун.

латинский- латинвилелди

лауреат, -а — 1 лап чIехи премия, пишкеш къачур кас.  2. лап чIехи художественный школа хъсандиз куьтягьна, пишкеш къачур кас.

лаять, лаю, лает — элуькьун, амп авун

лгать, лгу, лжёт, лгут; прош. лгал, лгала, лгало — таб авун, тапарарун, алцурарун, авачирди лугьун.

лгун, -а — тапарчи, тапрукь, тапархъан, (разг.) тупчи

лебедь, -я и (нар.-поэт.) -и и (созвездие) Лебедь, -я — къугь (къазраз ухшар яргъа гардан алай, гуьрчег еке цин къуш)

лебяжий, -ья, -ье — къугьдин

лев, льва (животное) и Лев, Льва (имя; созвездие и знак зодиака; о том, кто родился под этим знаком) — Аслан

левша, -и, тв. -ой, р. мн. -ей, м. и ж. — чаплахъан(-ар)

левый — чапла, чапла патан

легальныйкр. ф. -лен, -льна — гьукуматдин патай ихтияр ганвай, ачух, ашкара тир

легенда, -ы- кьиса, гьакIан мах, чIалахъ тежер гафар

легендарныйкр. ф. -рен, -рна — кьисадин

легинсы, -ов -куьруь гамаш

легконареч. и в знач. сказ. — рехьятди, кьезилди, зайиф.

легкоатлет, -а — чукурар, хкадарунар ийидай спортдал машгъул тир спортсмен

легковой — кьезил; инсанар акьахдай; (легковой автомобиль)  (3 -4 кас акьахдай гъвечIи) автомобиль, кьезил автомобиль.

легкомысленныйкр. ф. -ен, -енна- 1. кьезил хесетрин; вич кьезилардай; бегьем фикир тагана кар ийидай (кас).  2. къайгъусуз, кьиле гар авай, кьанцIархъан.

легчесравн. ст. — 1. мадни кьезилдиз; мадни регьятдиз.  2. в знач. сказ. мадни кьезил я; мадни регьят я. (час от часу не легче) къвердавай четин жезва, рикIиз такIан гьалар къвердавай артух жезва.

леденеть, -ею, -еет — муркIади кьун. Зун (Ам)  муркIади кьазва.

леденец, -нца, тв. -нцом, р. мн. -нцов — монпаси (цIалцIам экв акъатай шуьше хьтин)

лединескл., ж. — Англияда вини дережада авай лайихлу дишегьлидихъ галаз рахадайла лугьудай гаф.

ледниковый — муркIадин, бузлахрин

ледовый — муркIадикай авур

лежать, лежу, лежит — 1. къаткун, ярх хьун 2. аваз хьун; алаз хьун; кваз хьун; (ключ лежит в кармане) куьлег жибинда ава; (карандаш лежит на столе) карандаш столдал ала; (ключ лежит под столом) куьлег столдин кIаник ква. 3. яргъалди къаткун, къатканваз хьун (затI); (книги долго лежали на складе) ктабар складда яргъалди къатканвай.  4. хиве аваз хьун; (это лежит на его обязанности) им адан хиве ава.

лежачийприл. — къатканвайди, къаткайди

лежбище, -а — кьер

лежебока, -и, м. и ж. и лежебок, -а

лезвие, -я — 1. мурз (чкIулдин, яракьдин).  2. хел (ништIердин); тия.  3. лезвие (чуру твадай прибордин дегишардай, кьве патални мурз алай бицIи уьлгуьч).

лезгинка, -и, р. мн. -нок — 1. лезги руш(-ар) 2. кьуьл

лезгинский — лезги, лезгидин

лезгины, -ин, ед. -гин, -а — лезгияр

лейкопластырь, -я — херинал алкIурдай затI

лекарственный — дармандин, дармандиз, дарман яз

лекарство, -а — дарман

лекарь, -я, мн. -и, -ей и -я, -ей — духтир, духтур.

лексика, -и — са чIалан, са нугъатдин вири гафар.

лексический — лексикадин, гафарин

лектор, -а — лекцияр кIелдай кас

лекционный — лекциядин

лекция, -и — лекция, 1. чIехи дережадин школайра доклад ийидай тегьерда мецелди лугьуз гудай тарс.  2. халкьдин вилик илимдин ва политикадин темадикай ийидай доклад, кIелдай лекция

лемур, -а -гьайванрин жуьре

ленивец, -вца, тв. -вцем, р. мн. -вцев — темпел, кагьул

ленивый — кагьулди, темпелди

лента, -ы — 1.  (гьяркьуь багъ, я бафта ва я гьабрун ухшар авай гьяркьуь ва яргъи шей, месела, кинодин шикилар алай лента ва мсб).  2. (перенос.) зул.

ленточный — багъдин

лентяй, -я — темпел

лентяйничать, -аю, -ает — темпелвал авун, кагьулвал авун, са кIвалахни тавун.

лень, -и — темпелвал, кагьулвал

лепет, -а — 1. лепIлепI; аялдин рахун.  2. куьлуьз-куьлуьз кьезил суьгьбет.  3. пер. кьезил ширшир; вешреш.

лепить, леплю, лепит — лепIлепI ягъун

лепта, -ы —  къурбанд, куьмек, пай; (внести свою лепту) жуван куьмек кутун. 

лес, -а, предл. в лесу, мн. -а, -ов — там (-ар), гъварар . Зун тамуз фена. Тама гьайванар амач.

леска, -и, р. мн. лесок — гъвечIи там

лесник, -а — тамун къаравул, мишебеги

лесной — тамун, тама авай

лестница, -ы, тв. -ей — гурар, гурарар

лестныйкр. ф. лестен, лестна, лестно — тарифдин, еке къимет гудай, хуш къведай

лесть, -и — чинал тариф, ялтахвал

летать, -аю, -ает — лув гун, цавай фин

летомнареч. — гатуз

лечебный — сагъ хъийидай

лечение, -я — сагърун, дарман авун

лечить, лечу, лечит — сагъар ийизва, сагърун; За сагъарда, Ада сагъар ийида.

лечиться, лечусь, лечится — жув сагърун

лечонескл., с. — балгар истивутни памадур квай кагьу

лечь, лягу, ляжет, лягут; прош. лёг, легла — ярх хьун, къаткун

лёгкие, -их, ед. лёгкое, -ого — жигерар

лёгкийкр. ф. лёгок, легка — кьезилди, залан туширди, регьят

лёгкость, -и — регьятвал, кьезилвал

лёд, льда и льду, предл. во (на) льду — муркI

лён, льна — халис парча

лётный- лув гуниз кутугнавай шей

лживый— тапарардай кас, тапархъан, тапарчи

либеральныйкр. ф. -лен, -льна — 1. либерализмдин; либерализм квай; либералвилин.  2. либералрин.

либериец, -ийца, тв. -ийцем — Либерия гьукуматдин эгьли

либосоюз (либо он, либо я) — я ва я (я ам, ва я зун)

ливень, ливня — юргъ, сел, къети марф

лидер, -а — кIвенкIвечи, башчи, регьбер

лидерский — кIвенкIвечидин

ликвидация, -и — терг авун (масдар)

ликвидировать, -рую, -рует — терг авун; За тергда, Ада тергда.

ликвидироваться, -руется — вич вичелай терг хьун

ликёр, -а и -у — ширин, пис туьнт спирт квай ички

лилия, -и — вини кьил гьяркьуь къаргъуяр хьтин цуьквер жедай са набатат, гьадан цуьк

лиловый — лилиядин, лилияйрин

лимит, -а — акьалтIай тайин кьадар

лимитный — лимитдин, акьалтIай тайин кьадардин

лимон, -а — лимон

лимонад, -а и -у — лимонат

лимонник, -а —

лимонный — лимондин

лимузин, -а — лимузин, винел пад кIеви автомобилдин са жуьре

линза, -ы — дурбудин, микроскопдин ва мсб элкъвей гъвечIи шуьшеяр

линия, -и — цIар, рехъ, жерге

линька, -и, р. мн. линек — гьайванрилай ранг ва чIар алахьун

линять, -яю, -яет — 1. алахьун (ранг, парча), ранг фин.  2. чIар вигьин; туьлек авун; хъуьр вигьин.  3. чIар фин; (перем алахьна)

липкийкр. ф. липок, липка, липко — алкIидай

лис, -а — 1. эркек сикI 2. (перенос) амалдар, алдатмишдай кас

лиса, -ы, мн. лисы, лис (животное) — диши сикI

лисиный — сикIрен

лист, -а, мн. листы, -ов и (у растений) листья, -ьев — табагъ(-ар), чар(-ар), лист(-ер);
пеш(-ер) (мегъуьн таран пеш)

листва, -ы — пешер

листопад, -а — пешер аватун

литераторство, -а — литературадал кIвалахун

литература, -ы — 1. кхьей вири шейэр.  2. гьикая, шиир, роман, пьеса хьтин кхьей гуьрчег шейэр

литературныйкр. ф. -рен, -рна — литературадин

литр, -а — 1000 кубический сантиметрдив барабар къен авай, 1 кг яд фидай уьлчме; къаб

литровый — литрдин

лить, лью, льёт; прош. лил, лила, лило — 1. цун (жими затI).  2. кIалубда цана расун (мес. чугундин, ракьун шейэр).  3. авахьун (жими затI).  4. перенос. къурун, чукIурун, вигьин (мес. ишигъ).

лифт, -а — гзаф мертебайрин кIвалера инсанар вииелди акъуддай ва агъуз авуддай электрикдал кIвалахдай машин

лифтёр, -а — лифтчи, лифтда кIвалахзавай къуллугъчи

лихойкр. ф. лих, лиха, лихо, лихи — 1. пис, гзаф пис 2. къуччагъ, кьегьал

лихорадочныйкр. ф. -чен, -чна — 1. цIун, къиздирмадин; цIай квайла жедай.  2. перенос. цIай квай хьтин тади, теспачавилин, теспачивал квай, тади. квай.

лицевой— чинин пад

лицезреть, -рю, -рит — жуван вилералди акун, килигун

лицей, -я — лицей (школа, мектеб)

лицемер, -а — кьве чин алайди

лицемерие, -я — кьве чин хьун

лицемерить, -рю, -рит — кьулукъай чIурукI рахун

лицемерныйкр. ф. -рен, -рна — кьве чин алайди

лицензия, -и — са шей маса гьукуматдиз тухуниз ва анай гъуниз ихтияр

лицо, -а, мн. лица, лиц — чин, суфат, къамат

личность, -и — кас, инсан

личный — вичин, жуван, хсуси

лишай, -я — 1. цIарнах (хамунал желай ккарар, гачалрин са жуьре).  2. хьахь, хьирхьамар, хал (ттаран чкалдал, къванцел жедай)

лишение, -я — магьрумарун, ихтияр тагун

лишить, лишу, лишит — ихтияр тагун, магьрумарун, къахчун

лишиться, лишусь, лишится — къахчуна амукьун

лишний — артухан, герексуз, герек авачирди

лишь — анжах, тек

лоб, лба, предл. на лбу — пел; Пелел хал ала. (На лбу родинка)

лобовой — 1. дуьм-дуьз вилик патай, чин чинал алаз.  2. вилик патан.

ловелас, -а — арвадбаз; гьамиша папарин гуьгьуьна авайди

ловить, ловлю, ловит — кьун, перенос. гьасятда акун; кьатIун.  перенос. хийир къачун, гьакI ахъай тавун.

ловкийкр. ф. ловок, ловка, ловко, ловки — кьил акъуддай, зирек, викIегь

ловкость, -и — зиреквал

логика, -и — 1. филос. гьакъикъатда авазвай объективный алем, дуьнья, чирвал вилик фин, вилик финин умуми законар гьисаба кьуна инсанди фикир авунин формайрин ва къанунрин гьакъиндай илим.  2. фикир авунин дуьзвал, дуьз фикирун.  3. вакъиайрин, шейэрин къенепатан дуьм-дуьз тир гьерекат)

логичныйкр. ф. -чен, -чна — дуьз тир, акьулди кьабулдай

логопед, -а — дуьз рахаз чирдай кас

лоджия, -и — акъа айван

лодка, -и, р. мн. лодок — люткве

лодырь, -я — темпел, явакьан

ложиться, ложусь, ложится — ярх хьун, къаткун

ложка, -и, р. мн. ложек — тIур (-ар)

ложныйкр. ф. ложен, ложна — таб тир

ложь, лжи, тв. ложью — таб

лоза, -ы, мн. лозы, лоз — 1. чIере, тегьенг (ципицIрин).  2. шуькIуь яргъи хел (цIвелин ттаран); таб квай шуькIуь тIвал.  3. цIвелин кулер, куллух.

лозунг, -а — са тайин вахтунда партияди вичин асул са мурад, везифа ва я истемишун къалурзавай, куьрелди туькIуьрнавай эвер гун

локальныйкр. ф. -лен, -льна — чкадин, чкадиз талукь тир

локон, -а — бурма тил, цIвел. (чIвел — Дербентский район)

ломать, -аю, -ает — хун, кукIварун

ломаться, -аюсь, -ается — хун, кукIвар хьун

ломбард, -а — гиравда эцигай затIарихъ пул бурж вугудай чка

ломка, -и, р. мн. ломок — хун, кукIвар хьун

ломкийкр. ф. ломок, ломка, ломко — фад хадай, кеврек, хцIу

ломоть, ломтя, мн. ломти, -ей — кIус, чIук

лопата, -ы — лопатка

лопатка, -и, р. мн. -ток — лопатка, лопаткаяр

лопать, -аю, -ает — 1. хъиткьинун; (лопнул стакан стакан) хъиткьинна.
2. гватун; 3. атIун;   4. кIватун, барбатI хьун, банкрот хьун;  5. перенос. акьалтIун; терпение лопнуло сабур акьалтIна.  6. перенос. пад хьун, хъиткьинун (хъиляй).

лопаться, -аюсь, -ается — пад хьун, хъиткьинар хьун

лопух, -а — паркьул, паркьулдин пеш

лосины, -ин (штаны) — шалварар

лосиный (от лось) — суван яцран

лоск, -а — цIарцIар

лосось, -я — къизилбалугъ

лось, -я, мн. -и, -ей и -ей — суван яц

лосьон, -а — чинай ва гъилерай акъяйдай косметикадин кьери затI

лотерея, -и — латара; шейэр ва я пул акъатдай билетар туькIуьрна нин билетдиз акъатайтIа гьадаз гуз къугъурун

лоток, лотка — кукIва, чIутхвар

лотос, -а — чими уьлквейра жедай са набатат

лох, -а (жарг.) — телеф кас

лохматый — чIаралбан, бачIах

лохмотья, -ьев — кукIвар хьайи парталар

лошадиный— балкIандин

лошадь, -и, мн. -и, -ей, -ям, -дьми и -ями, -ях — балкIан(-ар)

лояльныйкр. ф. -лен, -льна —  дуьзвилелди рекье фидай; са кар дуьзвилелди, гьакъисагъвилелди кьиле тухудай.

луг, -а, предл. на лугу, мн. -а, -ов — векь, векьин чка

лужа, -и, тв. -ей — цин легъв

лужайка, -и, р. мн. -аек — гъвечIи векьин чка

лук 1, -а и -у (растение) — чичIек, чичIекар

лук 2, -а (оружие) — чIемерук

лукавство, -а — фендигавал, амалдарвал

лукавствовать, -твую, -твует — фендигарвал авун, алдатмишун, алцурарун

лукавый— амалдар

луковица, -ы, тв. -ей — чичIекдин ва серкинин кьил

луковый — чичIекдин

луна, -ы, мн. луны, лун и (спутник Земли, астр.Луна, -ы; ничто не вечно под луной — варз, варцар

лунный — вацран

лупа, -ы — затIар екез къалурдай кьве патайни юкь экъис хьайи элкъвей шуьше (-яр)

лупить, луплю, лупит — экъетIун, гатун, гваз эгечIун

лупиться, лупится — экъетI хьун

луч, -а, тв. -ом — нур, ишигъ

лучезарныйкр. ф. -рен, -рна — нурлу, ишигълу

лучеиспускание, -я — нур гун

лыжи, лыж, ед. лыжа, -и, тв. -ей — лыжаяр, живедилай физ кIвачерал акьалждай кьелечI яргъи кьамар

лыжник, -а — лыжайрал алаз физвай кас

лыжный — лыжайрин

лысеть, -ею, -еет — кьилел алай чIар фин, качал хьун

лысина, -ы — чIар фейи кьецIил чка, къашкьа

лысыйкр. ф. лыс, лыса, лысо — кьилелай чIар фейиди, качал, какацI

львиный — асландин

львица, -ы, тв. -ей диши аслан

льгота, -ы — гьукуматдин патай артухан са бязи шейэриз ихтияр

льготныйкр. ф. -тен, -тна — льготдик акатзавайди

льняной — лён парчадин

льстец, -а, тв. -ом, р. мн. -ов — чинал тариф йийдай , амма кьулухъай пис рахадай кас

льстить, льщу, льстит — ялтахвал авун

любвеобильныйкр. ф. -лен, -льна — гзаф ва гьар жуьрединбур кIан жезвай кас

любезничать, -аю, -ает — хуш суьгьбетар авун

любезныйкр. ф. -зен, -зна — хушва ийидай

любимчик, -а — амайбурулай кIандайди

любимый — кIаниди, рикIалай

любитель, -я — гьевсекар, са затIунал рикIалай кас

любить, люблю, любит — кIан хьун, рикI ацукьун, вил ацукьун

любов знач. сказ. — 

любоваться, любуюсь, любуется — 1. тамашун, кIанивилелди тамашун, лезетдалди тамашун, тамашуналди лезет къачун.  2. тамашайла (акурла) хуш хьун

любовник, -а — ашна, ашукь тирди, адахли

любовныйкр. ф. -вен, -вна — ашкъидин, кIанивилин

любовь, любви, тв. любовью — кIанивал, муьгьуьбат, ашкъи

любознательность, -и — гьар са кар (гьар вуч хьайитIани) чирунал рикI хьун, чириз кIан хьун, чириз кIанивал.

любознательныйкр. ф. -лен, -льна — гьар са кар чириз кIандай кас

любой — гьим хьайитIани, кIандайди

любопытныйкр. ф. -тен, -тна — 1. гьар вуч хьайитIани чириз алахъдай, вичиз талукь тушир карни чириз алахъдай; хабаррихъ къекъведай.  2. къариб, ажайиб.

любопытство, -а — чириз гьевеслувал; гьар вуч хьайитIани (вичиз талукь тушир, герек тушир карни) чириз алахъунин хесет

люди, людей, людям, людьми, о людях — инсанар, инсанриз, инсанралди, инсанрикай

люднов знач. сказ. — гзаф инсанар ава

людныйкр. ф. люден, людна, людно — гзаф инсанар ава, жезва

людоед, -а — инсандин як недай инсан

люк, -а- гимидин къвалай авай, тупунин кIуф твадай тIеквен; палубадилай кIаник эвичIдай кьил алай тIеквен; зумул.

люстра, -ы — са кьадар шемер ва я электрик лампаяр твадай, къавай куьрсдай зурба лампа хьтин ракьар, лампайрин кIунчI

лютыйкр. ф. лют, люта, люто — 1. инсафсуз, регьимсуз, залум, пехъи.  2. пис кIеви, гзаф пис, аман атIудай

лягать, -аю, -ает — кIурарив ягъун

лягаться, -аюсь, -ается — кIурарив ягъун, кIуру ягъдай хесет хьун

лягушатник, -а — къипер авай чка

лягушка, -и, р. мн. -шек — къиб

ляжка, -и, р. мн. ляжек (бедро) — ютур

лямка, -и, р. мн. лямок — къуьнуьн къайиш

ляпнуть, -ну, -нет — лугьун, тарпна (пахърахъна) лугьун (са герексуз, кутуг тавур гаф)

Добавить комментарий

Ваш адрес email не будет опубликован.